03.02.2023 Скопје
Стотици вработени во компанијата за газирани пијалаци „Кока-Кола“ во северозападните германски градови Дортмунд и Линебург стапија во штрајк барајќи зголемување на месечната плата за 400 евра, како и повисока почетна плата за нововработените лица.
Преговарачот на германскиот Синдикат на работници за храна, пијалаци и угостителство (НГГ), Фреди Ајан изјави дека преговорите за нивните барања ќе продолжат на 8 февруари. Според него, важно е платите да се зголемуваат согласно инфлацијата.
Слични штрајкови неодамна имаше и во други делови од државата. Во декември, американската корпорација им понуди на германски работници зголемување на платите за 100 евра и еднократен бонус од 1.000 евра за да го неутрализира влијанието на високата инфлација.
Подготвено од М.Н.
About Author
