ВО НАЦИОНАЛНАТА ОПЕРА И БАЛЕТ ДВЕ ИЗВЕДБИ НА СОВРЕМЕНИОТ БАЛЕТ „ПЕПЕЛАШКА“

https://kultura.gov.mk/%d0%b2%d0%be-%d0%bd%d0%b0%d1%86%d0%b8%d0%be%d0%bd%d0%b0%d0%bb%d0%bd%d0%b0%d1%82%d0%b0-%d0%be%d0%bf%d0%b5%d1%80%d0%b0-%d0%b8-%d0%b1%d0%b0%d0%bb%d0%b5%d1%82-%d0%b4%d0%b2%d0%b5-%d0%b8%d0%b7%d0%b2%d0%b5/

20.01.2023 Скопје

Во Националната опера и балет денеска и утре (20 и 21 јануари) ќе биде изведен современиот балет во 3 слики, „Пепелашка“ од Сергеј Прокофјев.

Кореограф на балетот е Александар Илиќ (Србија), костимограф Катерина Радошевиќ -Галиќ (Хрватска), сценографијата е на Филип Коруновски.

Во претставата, која ќе биде изведена вечерва настапуваат: Христина Наќевска, Мирослав Митрашиновиќ, Саша Евтимова, Цветанка Максимоска, Ендру Кук, Кристијан Јангос, Драган Кочоски, Гала Кочевска.

Во изведбата на оваа современа бајка за сите возрасти на 21 јануари настапуваат: Биби Басмаџиева Ковачевски, Игор Веланоски, Саша Евтимова, Ангела Богатинова, Ендру Кук, Кристијан Јангос, Драган Кочоски, Гала Кочевска.

Настапуваат солисти и балетски ансамбл на Националната опера и балет.