06.01.2023 Скопје
Во Германија официјално заврши ерата на телеграми со последен бран од илјадници кратки пораки испратени за Нова година, објави главната поштенска служба во земјата „Дојче пост“.
Службата соопшти дека 3.228 телеграми биле испратени на последниот ден од понудата на услугата на новогодишната ноќ, и дека тоа е спротивно со просечниот месечен број кој се движел помеѓу 200 и 300 испратени телеграми во последниве години.
Дојче пост соопшти дека била една од последните во светот што се уште нудела испорака на телеграми, и тоа само во земјата во последните години, бидејќи во 2018 година службата престана да испраќа телеграми во странство.
Телеграмата, чии почетоци датираат од 19 век, долго време се сметаше за застарена и скапа услуга. Во последниве години, испраќањето телеграма со до 160 знаци чинеше најмалку 12,57 евра во Германија.
Подготвено од М.Н.
About Author
