02.01.2022 Скопје
Министерот за внатрешни работи на Косово, Џељаљ Свечља изјави дека и покрај подобрувањето на ситуацијата на северот на Косово, провокациите на Србија нема да престанат.
„Убедени сме дека провокациите на Србија против државата Косово нема да престанат. Во последните денови видовме мешавина од различни дестабилизирачки акции во четири северни општини под директно влијание на српската држава и претседателот Вучиќ“ истакна Свечља.
„Влијанието дојде во форма на мобилизација, финансирање и логистичка поддршка. Покрај тоа, како закана имало и српски вооружени сили стационирани на границата. Секако, имаше влијание и од Русија, како и од криминалните организации во регионот, кои со години го злоупотребуваа северот на Косово како транспортен пункт за стока, дрога, па дури и луѓе и успеваа да заработат огромен профит. Сите овие фактори заедно го дестабилизираа не само северот на Косово, туку и целата земја“, додаде Свечља.
Подготвено од М.Н.
About Author
