05.01.2023 Скопје
Привилегираните производители на електрична енергија во Црна Гора минатата година оствариле приходи во износ од 42,43 милиони евра, вклучувајќи ги и субвенциите од 5,46 милиони евра што компаниите ги добиле за струјата произведена од обновливи извори.
Според податоците на Црногорскиот оператор на пазарот на електрична енергија (ЦОТЕЕ), привилегираните производители за 11 месеци минатата година произвеле вкупно 436,6 милиони киловат-часови електрична енергија.
Струјата која што ја произведуваат привилегираните производители, ЦОТЕЕ ја купува по субвенционирани цени.
Компании со најголеми приходи се „Крново Грин Енерџи” со 17,84 милиони евра, Ветерниот парк „Мозура” со 11,66 милиони евра и „Хидроенергија Црне Горе” со 3,38 милиони евра. Субвенциите што ги добиле изнесуваат соодветно 2,8 милиони евра, 1,34 милиони евра и 271.670 евра.
Подготвено од М.Н.
About Author
