20.01.2023 Скопје
Командантот на КФОР, генерал-мајор Анџело Микеле Ристучи, на средба со началниците на генералштабовите на земјите-членки на НАТО во Брисел, изјави дека ситуацијата на Косово е главно мирна, но е „исклучително кревка, нестабилна и непредвидлива“.
Ристучи нагласи дека КФОР продолжува секојдневно и непристрасно да го извршува мандатот што му е доделен од Обединетите нации за да ја одржи безбедноста и слободата на движење, и истакна дека КФОР е подготвен да интервенира доколку е потребно.
Информирајќи ги сојузниците и партнерите за активностите на КФОР и безбедносната ситуација, Ристучи им се заблагодари за нивниот придонес и поддршка во мисијата на КФОР, и додаде дека КФОР продолжува да работи на создавање услови за дијалогот кој се води под посредство на ЕУ.
Подготвено од М.Н.
About Author
