06.01.2023 Скопје
Министерот за здравство на Романија, Александру Рафила, соопшти дека државата нема да прогласи епидемија на грип, иако е во состојба на епидемиолошка тревога.
Рафила истакна дека не сака да се врати на дискусиите за забрани и карантин, како што беше претходните две години и им препорача на Романците да носат маски во затворени простори.
Во меѓувреме, Националниот центар за надзор и контрола на заразни болести при Националниот институт за јавно здравје соопшти за први смртни случаи од грип во Романија.
Станува збор за 25-годишна жена од Букурешт со потврден вирус на грип од типот А и уште една 50-годишна жена, исто така од Букурешт.
Подготвено од М.Н.
About Author
