20.01.2023 Скопје
Кардиоваскуларните болести се најголемата причина за смрт на глобално ниво. Последиците од срцев удар резултираат со оштетен срцев мускул, кој со текот на времето остава лузни. Ова ткиво на лузна може да предизвика компликации со пумпање и транспортирање на крв бидејќи ја нема еластичноста и флексибилноста на здрав срцев мускул и не може да се врати на оригиналот.
За прв пат, меѓународна група на истражувачи од Универзитетот во Сиднеј развиле метод, инјекција на протеини, за да се промени губењето на еластичноста на оштетеното срцево ткиво по срцев удар.
Се препорачува вбризгување на протеинот тропоеластин во срцевиот мускул, кој може да ги направи поеластични лузните на срцето и да му помогне полесно да работи.
Главниот истражувач, Роберт Хјум, изјави дека ова истражување го покажува потенцијалот на тропоеластинот во поправањето на срцето и покажува дека понатамошните истражувања може да дадат нови сознанија за неговата улога во идните третмани и терапии.
Истражувачите го засновале своето истражување на експерименти на стаорци. Со помош на нова технологија за оперирање, бил вбризган тропоеластин во обвивката на срцето кое претходно преживеало удар. Било забележано дека 28 дена подоцна, срцевиот мускул ја вратил својата еластичност и мускулна функција на слично ниво како пред срцевиот удар. Тропоеластинот ја намалил големината на лузната и ја стабилизирал со зголемување на еластинот во мускулот околу неа.
Научниците направиле и експерименти со човеков срцев мускул во лабораторија и заклучиле дека тропоеластинот ја зголемил еластичноста на ткивото.
Подготвено од А.Ѓ.
About Author
