04.01.2023 Скопје
Откако минатата вечер не успеаја ни во третиот обид да го изберат републиканскиот лидер Кевин Мекарти за претседател на Претставничкиот дом на САД, конзервативците го одложија гласањето.
Изненадувачкиот потег на крајот на првиот ден на новиот состав на Конгресот, покажа дека на Мекарти нема да му биде лесно да се бори за претседателската функција бидејќи тој има противници и во сопствената партија.
Од потребните 218 гласови, Мекарти доби само 203 гласа во два круга гласање во Домот кој е под контрола на републиканците, а тоа е помалку дури и од демократот Хаким Џефрис. Резултатот во третиот круг беше уште полош, кога Макарти загуби 20 гласа, а тензиите се зголемија.
Поради оваа причина, одлучено е членовите на Претставничкиот дом да се сретнат денеска напладне по локално време со цел да се разгледаат нови кандидати.
Последен пат Претставничкиот дом не успеа да избере претседател на првото гласање во 1923 година, а најдолго траела постапката за избор на претседател на Претставничкиот дом во 1856 година, кога пратениците постигнале договор дури по два месеци и 133 круга.
Подготвено од М.Н.
About Author
