31.01.2023 Скопје
Од кабонетот на претседателот на Србија, Александар Вучиќ, соопштија дека Вучиќ утре ќе присуствува на церемонијата по повод почетокот на работите на изградбата на гасниот интерконектор Бугарија-Србија.
Меѓусистемската гасна врска „Бугарија-Србија“ (ИБС) во Србија ќе биде долга 109 километри, а вкупната должина на двонасочниот гасовод низ двете земји е 170 километри, од Нови Искар кај Софија до Ниш.
Гасоводот има капацитет од 1,8 милијарди кубни метри гас годишно и овој проект е од заеднички интерес за Европската Унија.
Вкупната вредност на овој проект според проценката на Европската инвестициска банка, е 85,5 милиони евра, од кои ЕИБ дава 25 милиони евра во форма на заем, 49,6 милиони се неповратни ЕУ кофинансирање од ИПА фондовите, а остатокот ќе бидат трошоци што ќе се покриваат од буџетот на Србија и сопствени средства на ЈП „Србијагас“.
Подготвено од М.Н.
About Author
