10.01.2023 Скопје
Повратот на данокот на додадена вредност од фискалните сметки од оваа година ќе се зголеми од 1.800 денари на 2.100 денари.
Предлог-законското решение е во собраниска процедура и е ставено како шеста точка на денешната 99. пленарна седница. Законот се носи по скратена постапка.
Правото на враќање на ДДВ се остварува за секое календарско тримесечје во кое е издадена фискалната сметка.
На предлог на Министерството за финансии, Владата на 27 декември 2022 година го утврди текстот на Предлог-законот со кој се зголемува максималниот износ на поврат на ДДВ што може да го добие едно физичко лице со скенирање на фискални сметки за едно тримесечје.
Подготвено од А.Ѓ.
About Author
