16.01.2023 Скопје
Водите околу јужните делови на Нов Зеланд се за шест степени потопли од вообичаено поради климатските промени, временскиот феномен Ла Ниња и областите со висок воздушен притисок.
Океанографот Жоао де Соуза изјави дека температурата на водата моментално е за четири степени потопла од просечната и дека таквите температури ќе имаат значителни последици за еко-системот настанат и прилагоден на постудени води.
Според Де Соуза, истражувањата покажале дека се зголемуваат температурите на површинските води, но и оние на длабочина од сто метри, што значи дека топлотниот бран ги погодува и видовите што живеат во подлабоките води.
Нов Зеланд минатата година доживеа бројни топлотни бранови на морската вода, што доведе до појава на избелување на морските сунѓери.
Подготвено од М.Н.
About Author
