11.01.2023 Скопје
Москва смета дека нема изгледи за мировни преговори со Украина се додека дијалогот со Русија е забранет со украинскиот закон или додека Западот не дозволи Киев да биде флексибилен во овој поглед, изјави портпаролот на Кремљ, Дмитриј Песков.
Песков нагласи дека Русија е секогаш подготвена да ги решава проблемите преку дијалог, потсетувајќи дека тоа во неколку наврати го кажал и рускиот претседател Владимир Путин, а во неколку наврати тоа го има изјавено и турскиот министер за надворешни работи Мевлут Чавушоглу.
„Претпочитаме да ги исполниме нашите цели на мирен и дипломатски начин“, истакна Песков и потврди дека не се можни разговори се додека преговорите со Русија се забранети со закон во Украина.
Подготвено од М.Н.
About Author
