31.01.2023 Скопје
Меѓународниот монетарен фонд ги зголеми изгледите за глобалниот раст во 2023 поради „изненадувачките отпорни“ побарувања во САД и Европа, пониските трошоци за енергија и повторното отворање на кинеската економија откако Пекинг ги ублажи строгите ограничувања за Ковид-19.
ММФ соопшти дека глобалниот раст сепак ќе падне на 2,9 отсто годинава од 3,4 отсто во 2022 година, но неговите најнови прогнози за Светската економска перспектива покажуваат подобрување во однос на предвидувањата од октомври за 2,7 отсто раст годинава со предупредување дека светот лесно може да западне во рецесија.
Главниот економист на ММФ, Пјер-Оливие Гуриншас, изјави дека ризиците од рецесијата се намалиле и централни банки постигнуваат напредок во контролата на инфлацијата, но дека е потребно повеќе работа за да се задржат цените и новите нарушувања би можеле да дојдат поради понатамошната ескалација на војната во Украина.
Во својата прогноза за БДП за 2023 година, ММФ соопшти дека сега очекува раст на БДП во САД од 1,4 отсто, што е 1 отсто повеќе од прогнозата во октомври и по растот од 2 отсто во 2022 година.
Подготвено од М.Н.
About Author
