19.01.2023 Скопје
Американските власти ја запленија берзата за криптовалути Бицлато и го уапсија нејзиниот ко-основач, обвинувајќи ја фирмата за поттикнување на „високотехнолошката оска на крипто криминалот“.
Американското Министерство за правда го обвини Анатолиј Легкодимов, руски државјанин кој живее во Кина, дека водел бизнис кој се грижи за она што тој некогаш го опиша како „измамници“. Тие рекоа дека Бицлато обработил повеќе од 700 милиони долари во недозволени средства, кршејќи ги правилата дизајнирани да го спречат перењето пари.
Г-дин Легкодимов беше уапсен во Мајами.
„Институциите кои тргуваат со криптовалути не се над законот и нивните сопственици не се надвор од нашиот дофат“, рече американскиот обвинител Бреон Пис на прес-конференција, објавувајќи го апсењето.
Пис објасни дека, Бицлато се продавал на криминалци како берза за криптовалути без прашања, и како резултат собрал депозити во вредност од стотици милиони долари, потенцирајќи „обвинетиот сега ја плаќа цената за злонамерната улога што ја одиграла неговата компанија во екосистемот на криптовалути“.
Од 2018 година, берзата регистрирана во Хонг Конг обработила трансакции со криптовалути во вредност од околу 4,5 милијарди долари, според жалбата.
Обвинителите велат дека фирмата барала минимална идентификација од своите корисници, овозможувајќи и да стане „рај за криминални приходи и средства наменети за употреба во криминални активности“.
Тие тврдеа дека фирмата била свесна за проблемите, цитирајќи внатрешен документ во кој е опишан Бицлато како ракување со „валкани пари“ без стандардни процедури за проверка на клиентите.
Американските власти истакнаа дека фирмата е тесно поврзана со Hydra Market, мрежен пазар за дрога, перење пари и украдени финансиски информации што меѓународните власти го затворија минатата година.
Бицлато тврдеше дека не прифаќа американски клиенти, но обвинителите рекоа дека всушност има „значителен“ бизнис со Американците.
Американските власти работеа со органите за спроведување на законот во Франција и други земји на операцијата.
Подготвено од А.Ѓ.
About Author
