20.01.2023 Скопје
Унгарија ја блокираше воената помош вредна половина милијарда евра во седмиот ваков пакет во рамките на Европскиот мировен фонд.
Земјите членки на ЕУ во понеделник за време на состанокот на министрите за надворешни работи, ќе се обидат да ја убедат Будимпешта да го промени својот став околу оваа одлука.
Во декември минатата година Унгарија блокираше 18 милијарди евра макрофинансиска помош за Украина, но ЕУ на крајот сепак изнајде начин да ја испрати финансиската помош до Украина.
Унгарија предизвика дополнителен гнев во земјите од Европската унија, бидејќи сака да отстрани неколку руски олигарси од црната листа на санкции на ЕУ, без никакво објаснување, изјави висок дипломатски извор од ЕУ.
Подготвено од М.Н.
About Author
