18.01.2023 Скопје
Од Град Скопје информираат дека градоначалничката на Град Скопје, Данела Арсовска, ги смени в.д. директорите на Младинскиот културен центар, ЈП „Водовод и канализација“ и на Зоолошката градина, додека пак на директорката на ЈП „Комунална хигиена“ ѝ го продолжила мандатот.
Досегашниот директор на ЈП „Водовод и канализација“, Марјанчо Митовски, кој на позицијата беше назначен од редот на вработените, продолжува со ангажман како секторски директор на претпријатието, додека пак за нов директор е назначен Драган Илиевски.
За нов директор на Зоолошката градина е назначен Зоран Попов, кој е економист по професија и доаѓа од редот на вработените.
Косана Мазнева и понатаму ќе продолжи да ја извршува функцијата директор на јавното претпријатие „Комунална хигиена“.
Засега од Градот Скопје нема информации за новиот директор на Младинскиот културен центар.
Подготвено од А.Ѓ.
About Author
