02.01.2023 Скопје
Маглата во Скопје го отежнува авионскиот и патниот сообраќај. Дел од летовите на Меѓународниот аеродром во Скопје се откажани или одложени. Поради маглата намалена и видливоста и на неколку патни правци низ државата.
Меѓународниот аеродром соопшти дека се откажани летовите Бремен и Дортмунд, а одложен е и летот од Истанбул. Единствено, на скопскиот аеродром слетал авионот од Виена. За околу четири часа е одложено и полетувањето за Истанбул и за околу 50 минути летот за Лондон.
За патниот сообраќај, АМСМ информираше дека намалена видливост има на неколку патни правци во државата. Намалена видливост до 40 м има на патните правци Тетово – Групчин и Кочани-Виница-Македонска Каменица, а видливост од 50м до 100м на патните правци Битола-Прилеп, Скопје-Куманово, Скопје-Велес, Велес-Катланово и Кочани-Штип.
Подготвено од А.Ѓ.
About Author
