12.01.2023 Скопје
„Етиопијан ерлајнс“ соопшти дека фреквенцијата на нејзините летови до кинеските градови ќе се зголеми од 6 февруари 2023 година, додека од 1 март 2023 година ќе се врати на нивоата пред Ковид-19.
Авиокомпанијата соопшти дека одлуката за ова е продолжение на укинувањето на ограничувањата од страна на Владата на Кина.
Во изјавата на медиумскиот консултант на авиокомпанијата во Нигерија се вели дека од 6 февруари 2023 година, авиокомпанијата ќе има дневни летови до Гуангжу, додека ги зголемува своите неделни летови до Пекинг и Шангај на по четири и ќе ја одржува триненеделната операција до Ченгду.
Почнувајќи од 1 март 2023 година, летовите ќе се вратат на нивоата пред Ковид-19 со дневни летови до Пекинг и Шангај, како и 10 и четири неделни летови до Гуангжу и Ченгду, соодветно.
Според тоа, авиокомпанијата ќе оперира вкупно 28 неделни патнички летови до Кина кога услугите ќе бидат целосно обновени.
Месфин Тасев, главен извршен директор на Групацијата (ГЦЕО), Етиопијан Ерлајнс, изрази задоволство од враќањето на летовите во ерата пред Ковид-19 од страна на авиокомпанијата. Тој додаде дека Кина е еден од најголемите пазари за авиокомпанијата надвор од Африка, а зголемувањето на фреквенциите на летови ќе помогне за заживување на трговската, инвестициската, културната и билатералната соработка меѓу Африка и Кина во ерата по Ковид-19.
Покрај патничките летови до Гуангжу, Шангај, Пекинг и Ченгду, Етиопијан врши и товарни летови до Гуангжу, Шангај, Женгжу, Чангша и Вухан.
Подготвено од А.Ѓ.
About Author
