11.01.2023 Скопје
Во новиот извештај на Финската асоцијација за енергија од ветер (FWPA) пишува дека зголемувањето од 75% на капацитетот на ветерната енергија во 2022 година резултираше со пораст на странските инвестиции во земјата, приближувајќи се кон целите на зелената транзиција.
Во Финска минатата година беа пуштени во употреба вкупно 437 нови турбини на ветер, што резултираше со зголемување на капацитетот на ветерната енергија за 75%. Финска сега има 1.393 турбини на ветер кои произведуваат комбинирана моќност од 5.677 мегавати.
Од вкупната енергетска мешавина на земјата, моќта на ветерот сега во просек изнесува 10%, а бројките се очекува само да растат бидејќи повеќето турбини почнаа да произведуваат електрична енергија до крајот на годината, што значи дека тоа ќе се одрази само во бројките за 2023 година.
Позитивниот тренд за енергијата на ветерот ќе продолжи и во наредните години.
До крајот на 2025 година, се очекува дека Финска ќе произведе најмалку околу 3.200 мегавати нов капацитет на ветер, судејќи според објавените инвестициски одлуки и проекти во изградба. Дотогаш се очекува ветерот да покрие околу 28 отсто од потрошувачката на електрична енергија.
Странските инвестиции во финските ветерни електрани се исто така многу високи, при што завршените проекти изнесуваат вкупно околу 2,9 милијарди евра инвестиции во земјата.
Финска поседува 47% од енергијата на ветерот што ја користи на својата територија, покажуваат статистиките на Финската асоцијација за ветерна енергија.
Подготвено од А.Ѓ.
About Author
