11.01.2023 Скопје
Европската унија и НАТО ќе ја објават одлуката за формирање оперативна група за заштита и отпорност на критичната инфраструктура, изјави претседателката на Европската комисија, Урсула фон дер Лајен, пред почетокот на состанокот на Колеџот на комесари на кој е поканет да присуствува и генералниот секретар на НАТО Јенс Столтенберг.
„Во оперативната група експерти на ЕУ и НАТО ќе работат заедно на идентификација на клучните закани за нашата критична инфраструктура, на проучување на ранливостите и ќе на развивање клучни принципи за подобрување на отпорноста, но и на понуда предлози за мерки и акции за санација“, изјави Фон дер Лајен.
Фон дер Лајен посочи дека оперативната група првично ќе ги опфати транспортот, енергетиката, дигиталната област, а потоа ќе ги информира земјите-членки на ЕУ и на НАТО.
„Желбата за да размислуваме заедно како да ја направиме нашата критична инфраструктура и технологија поотпорна на потенцијални закани и да преземеме активности за да ги отстраниме можните пропусти, е важен чекор кон зајакнување на нашите општества“, истакна Столтенберг.
На денешната редовна средба на комесарите на Европската комисија, во присуство на првиот човек на Алијансата, ќе разговараат и за потенцијални промени кои се неопходни во политиките на Унијата и НАТО за безбедноста на Европа и европскиот регион.
Подготвено од М.Н.
About Author
