16.01.2023 Скопје
Преодниот министер за енергетика Росен Христов изјави дека наскоро ќе биде потпишан меморандум за проектот за нафтоводот меѓу Александрополис и Бургас. Воедно, ја посети Грција каде што присуствуваше на инаугурацијата на проектот за електрана на гас во Александрополис.
Министерот Христов разговараше со неговиот грчки колега Костас Скрекас. На инаугурацијата присуствуваше и грчкиот премиер Киријакос Мицотакис.
Христов истакна дека енергетската криза во Европа бара уште поблиска соработка и заеднички напори меѓу Бугарија и Грција, потенцирајќи дека имаат соработувано во многу проекти и политики. Исто така, додаде дека Грција е партнер на Бугарија поради нејзината локација и заедничките ставови како да се развие енергијата во регионот. Тој ја наведе соработката меѓу Бугарија и Грција во усвојувањето на политиките на ЕУ за зајакнување на пазарот на природен гас.
БТА потсетува дека на 4 јануари преодната влада одобри два меморандуми за разбирање меѓу Бугарија и Грција, кои ќе им овозможат на двата шалтери да ја унапредат енергетската соработка. Според првиот документ двете земји се очекува да соработуваат во проценката на одржливоста на нафтоводот меѓу Алексанруполис и Бургас.
Подготвено од А.Ѓ.
About Author
