13.01.2023 Скопје
По цели 32 години Аргентина се соочува со рекордна инфлација која достигна 94,8 отсто, и е една од највисоките стапки на инфлација во светот во 2022 година.
Сепак, декемвриската стапка од 5,1 отсто покажува релативно забавување во последните месеци. Ценовниот показател за декември објавен од Националниот институт за статистика покажува тенденција на намалување на инфлацијата од месечниот врв од 7,4 отсто во јули, потоа 6,3 во октомври и 4,9 отсто во ноември.
Инфлацијата во Аргентина во 2021 година беше 50,9 отсто, а по минатогодишниот пораст, владата очекува оваа година да ја ограничи на 60 отсто и врз таа проекција го заснова државниот буџет.
Претходниот рекорд на инфлација во Аргентина беше во 1991 година, со неколку последователни годишни стапки на инфлација над 100 проценти. Таа година го означи крајот на циклусот на хиперинфлација над 1.000 отсто.
Подготвено од М.Н.
About Author
