16.12.2022 Скопје
Во писмото кое утринава е испратено на мејлот на скопскиот аеродром, текст кој веќе и се споделува на социјалните мрежи напишано е „Македонците се соучесници во уништувањето на мојата земја. Затоа на денешниот ден се удруживме со нашите истомисленици за да ги минираме следните локации во Скопје и тоа со 8 бомби на Меѓународниот аеродром Скопје, 5 бомби во Националната арена „Тоше Проески“, една бомба во зградата на ФФМ, една бомба во ТЦ „Ист Гејт“, две бомби во хотел „Мериот“ и една бомба во хотел „Сенигалиа“.
Во дописот се вели дека бомбите се активираат и ќе експлодираат на „сеизмичен покрет“.
„Можеме ова да го правиме секој ден, го сакате ли ова? Бидејќи крајот не изгледа добро по вас и вашите деца, граѓани, луѓе. Или можете да решите конечно да ја направите вистинската одлука, а тоа е да ги суспендирате санкциите“, се вели во заканувачката порака.
Подготвено од М.Н.
About Author
