23.12.2022 Скопје
Шарам организира новогодишен базар, кој ќе се одржи утре, 24 декември, во хотелот „Арена“ со почеток во 18:00 часот.
Првиот новогодишен шарпланински базар ќе го разубават десетина македонски брендови и творци на уникатни рачни изработки и дела. Покрај штандовите на македонските брендови, на овој базар за прв пат ќе биде претставена и изложбата „Нов архитектонски концепт за жичарница Тетово-Попова Шапка“ на архитектот Благоја Ристовски.
Дружбата и забавата ќе биде надополнета и со можност за хуман гест и донации за хуманитарната акција „Стопли семејство“. За добрата атмосфера ќе се погрижат Шербет Трио и С.А.М.
Шарам ги поканува сите љубители на планината, снегот и новогодишната магија да присуствуваат на првиот новогодишен базар на инспиративната Шара.
Подготвено од А.Ѓ.
About Author
