09.12.2022 Скопје
Европскиот парламент соопшти дека на храбриот украински народ ќе му биде доделена наградата Сахаров за Слобода на мислата на Европскиот парламент за 2022 година, на церемонија во среда напладне.
Украинскиот претседател Володимир Зеленски се очекува да се обрати пред пленарната комора од далечина, со други претставници на украинскиот народ физички собрани во Стразбур.
Претседателката Роберта Мецола и неколкумина од украинските претставници ќе одржат прес-конференција по церемонијата на доделување, во 12.45 часот по средноевропско време, во сала за прес-конференции во Парламентот Дафне Каруана Галиција. Покрај тоа, украинските претставници на овогодинешните финалисти на наградата Сахаров ќе учествуваат на прес-семинарот организиран од Европскиот парламент во вторник на 13 декември од 09.30 до 11.30 часот по средноевропско време.
Европратениците од комисиите за надворешни работи и развој и од Поткомитетот за човекови права ќе одржат дискусија со украинските лауреати во понеделник на 12 декември од 19.00 до 20.30 часот по средноевропско време.
Наградата Сахаров за Слобода на мислата, именувана во чест на советскиот физичар и политички дисидент Андреј Сахаров, се доделува секоја година од страна на Европскиот парламент. Основана е во 1988 година во чест на поединци и организации кои ги бранат човековите права и основните слободи.
Подготвено од А.Ѓ.
About Author
