Bulgaria flag waving in the blue sky in the wind
23.12.2022 Скопје
Бугарија е на последно место по просечен годишен приход по човек во Европската унија, а Унгарија е едно место над таа држава, истакнаа бугарските медиуми повикувајќи се на податоци од Евростат.
Бугарија е на дното на рангирањето каде за 12 месеци работникот во таа држава добива во просек по 10.300 евра.
Просечниот годишен приход по лице во Европската унија за 2021 година е околу 33.000 евра. Лидер во рангирањето е Луксембург, каде просечниот годишен приход е 72 илјади евра, а првата тројка за најдобро рангирани во статистиката ја комплетираат Данска со 63.000 евра и Ирска со 50.000 евра годишен приход.
Во Романија приходите од плати годишно се во просек по 13 илјади евра, а во Унгарија 12.600 евра.
Според Евростат, останати статистики се за, Полска 14.431 евра, Грција 15.879 евра, Словачка 16.162 евра и Хрватска 16.169 евра.
Подготвено од М.Н.
About Author
