26.12.2022 Скопје
Токсикологот Андон Чибишев од Клиниката за токсикологија соопшти дека амонијакот е исклучително токсичен, и ако се вдише може да предизвика компликации, а лекувањето е тешко и долготрајно. Освен што ги гори дишните патишта, предизвикува и слепило, а доколку се вдише во поголеми количини и смрт.
На социјалните мрежи се појави видео од безбедносни камери, на кое се гледа како токсичниот облак се шири над патот и го прекрива градот Пирот.
Според токсикологот Чибишев, сега само ветерот може да им помогне на жителите на Пирот, бидејќи ќе го разнесе амонијакот да не е со голема концентрација на едно место.
Градоначалникот на Пирот, Владан Васиќ, доцна синоќа прогласи вонредна состојба кога два вагони, цистерни од воз, кој превезувал амонијак се лизнале и паднале во реката Нишава кај Сопотски Хан.
Подготвено од М.Н.
About Author
