ПРЕМИЕРА ВО ДРАМСКИОТ ТЕАТАР ВО СКОПЈЕ НА ПРЕТСТАВАТА „ЗА НАС ПОЧНУВА ЖИВОТ“

https://kultura.gov.mk/%d0%b7%d0%b0-%d0%bd%d0%b0%d1%81-%d0%bf%d0%be%d1%87%d0%bd%d1%83%d0%b2%d0%b0-%d0%b6%d0%b8%d0%b2%d0%be%d1%82-%d0%bf%d1%80%d0%b5%d0%bc%d0%b8%d0%b5%d1%80%d0%b0-%d0%b2%d0%be/

20.12.2022 Скопје

Денеска и утре, на малата сцена во Драмскиот театар со почеток во 20 часот, премиерно ќе биде изведена претставата „За нас почнува живот“, во режија на Дејан Пројковски.

Претставата е работена според драмскиот текст „Прав“ на унгарскиот автор Ѓерѓ Шпиро. Улогите ги толкуваат Биљана Драгиќевиќ-Пројковска и Нино Леви.

Костимограф е Марија Пупучевска, а автор на музиката е Горан Трајковски. Асистент на режија е Дамјан Димовски, преводот е на Маја Бражанска, а плакатот и видеото ги изработи Стојан Стојановски.

Претставата е финансиски поддржана од Министерството за култура.