27.12.2022 Скопје
Во балетската сала при Македонскиот народен театар вечер, 27 декември, премиерно ќе се одигра претставата „Бакхи: Агава“, според Еврипид и Тамара Барачков.
Претставата е копродукциски проект на Перипетија продукција – Скопје, НУ Македонски народен театар и Градски театар од Јанина, Грција.
Во претставата, во режија на Нина Николиќ, се користат и стиховите од песната „Мама е глагол од глаголот работи“ на Момчило Одаловиќ. Улогите ги толкуваат актерите Симона Спировска и Александар Михајловски, а актерите Григор Јовановски, Марија Кеврекиду, Ана Марија Бутниок, Афродита Атанасопулу и Дарја Ризова се со снимени гласови.
Сценограф е Ангел Петровски, костимограф е Ивана Каранфиловска-Угуровска, дизајнер на звук е Александар Арсиќ, а дизајнери на светло се Даниела Атанасова и Горјан Темелкоски.
Подготвено од А.Ѓ.
About Author
