12.12.2022 Скопје
Второ Светско првенство по ред Аргентина и Хрватска ќе се сретнат на завршен турнир, овојпат во натпревар со огромен влог – место во финалето. Стрелецот на голот против Бразил, Бруно Петковиќ го најави овој дуел како специфичен и историски.
Фудбалерот на Динамо Загреб откри дека уште не подготвиле тактика против најдобриот аргентински фудбалер – Лионел Меси. Воедно, додаде дека играа против тимови кои имаат големи асови, но не се концентрираат само на еден играч.
Петковиќ го коментираше и изненадувачкиот пласман на Мароко во полуфиналето, откако на стартот на групниот сегмент Хрватите играа против Мароканците и ремизираа без голови (0-0).
Мароко и Хрватска се единствените непоразени селекции во досегашниот тек на Светското првенство.
Подготвено од А.Ѓ.
About Author
