16.12.2022 Скопје
ФИФА го одби барањето на украинскиот претседател Володимир Зеленски да испрати порака до гледачите за важноста на мирот во светот пред почетокот на финалето на Светското првенство во недела.
Засега не се знае дали пораката на Зеленски требало да се емитува во живо или претходно да биде снимена.
Ова необично барање не е изненадување на украинската стратегија да се користат големите светски настани, без разлика на нивната содржина, за да го привлече вниманието на војната во Украина.
Од самитот на Г20 до Греми и Канскиот филмски фестивал, а сега и финалето на СП во Катар.
Претседателот Зеленски исто така има остварено разговори и со голем број новинари и познати личности вклучувајќи ги и Шон Пен и Дејвид Летерман.
Подготвено од М.Н.
About Author
