12.12.2022 Скопје
Во текот на вчерашниот ден, канцеларот Карл Нехамер ја потврди својата посветеност да ги задржи Романија и Бугарија надвор од Шенген, регионот без гранични проверки во рамките на ЕУ.
Миграцијата е високо на агендата во Австрија, поради тоа што бројот на оние кои влегуваат во земјата е голем и поради клучните избори кои се очекуваат во јануари 2023 година.
Од над 100.000 апсења на мигранти или баратели на азил, 75.000 сè уште не се регистрирани, инсистираше Нехамер во неделата. Минатата недела Виена стави вето на приклучувањето на Романија и Бугарија во Шенген, и покрај препораката на Европската комисија. Ова предизвика критики од партнерите во ЕУ и домашните партии.
Нехамер истакна дека регистрирањето на бегалците треба да се случи при преминување на надворешната граница на ЕУ, што значи дека оние што не биле регистрирани најверојатно влегле од друга земја на ЕУ. Воедно, додаде дека поради анализата на податоците од мобилните телефони на мигрантите и информациите од интервјуата, се чини дека многумина дошле преку Романија или Бугарија.
Романија и Бугарија укажаа на нивните податоци, кои се различни. Нехамер го занемари ова, велејќи дека не можат да го знаат целосниот обем на движењето на бегалците низ нивните земји.
Ставањето вето на двете земји стана неопходно бидејќи неколку други земји од ЕУ беа подготвени да ја поддржат Австрија. Имајќи предвид дека Холандија побара поддршка и не успеа, Нехамер ја нагласи неопходноста да се оди сам, со оглед на недостатокот на сојузници.
За Нехамер, укинувањето на ветото би било можно само откако ќе се подобри заштитата на границите во Бугарија и Романија.
Подготвено од А.Ѓ.
About Author
