01.12.2022 Скопје
На осмиот Интернационален бреинобреин фест кој се одржа во Дубаи, македонските ученици во конкуренција од 2.000 деца од 16 држави во светот освоија три трофеи, три златни медали и еден сребрен медал.
Натпреварувачите решаваа тест кој содржи 60 задачи во времетраење од само 3 минути, и на овој начин дечињата ја покажаа нивната вештина, концентрација и самодоверба.
Сите учесници се натпреваруваа во групи од соодветна возраст и оние натпреварувачи кои најбрзо и најточно го решиле тестот добија трофеи, златни и сребрени медали.
Интернационален бреинобреин фест веќе 19 години успешно ги трансформира животите на децата од целиот свет, со својата иновативна меѓународна програма за развој на интелектуалните и животните вештини и способности кај децата на возраст од 4 до 14 години.
Подготвено од М.Н.
About Author
