27.12.2022 Скопје
Веројатноста за прекин на струја во делови од Европската унија во блиска иднина е многу голема, тврди австриската министерка за одбрана Клаудија Танер.
Ризикот од широко распространети прекини на струја е значително зголемен поради војната во Украина. „За Путин, хакерските напади врз западното снабдување со електрична енергија е средство за хибридна војна. Не треба да се преправаме дека ова е само теорија, мора да се подготвиме за прекини во Австрија и Европа“, истакна Танер.
Министерката Клаудија Танер изјави дека очекува наскоро да има големи прекини во снабдувањето со електрична енергија на територијата на Европската унија, и дека „Не е прашање дали, прашање е кога тоа ќе се случи“, рече Танер.
Танер изјави дека третина од австриското население може да се најде во ситуации во кои би можеле да живеат без струја до четири дена.
Подготвено од М.Н.
About Author
