21.12.2022 Скопје
КФОР се огласи за барањето на Владата на Србија за враќање на до 1.000 припадници на српските безбедносни сили на Косово согласно Резолуцијата 1244, и соопшти дека „тековно го анализираат“ тоа барање од Владата на Србија, а исто така се наведува дека ќе продолжат „да обезбедуваат безбедна средина и слобода на движење што поттикнува продуктивен дијалог, давајќи им можност на лидерите да создадат долгорочни одржливи решенија за доброто на сите заедници кои живеат во Косово“.
Во соопштението од КФОР се вели дека мисијата КФОР предводена од НАТО се состои од повеќе од 3.700 персонал од 27 земји, вклучувајќи ги и НАТО сојузниците и партнерите посветени на обезбедување безбедна средина и слобода на движење за сите заедници на Косово, во согласност со мандатот заснован на Советот за безбедност на ОН. Улогата на КФОР продолжува да биде фундаментална за трајната безбедност на цело Косово и стабилноста во регионот на Западен Балкан.
Како што беше истакнато, КФОР неодамна од превентивни безбедносни причини го зголеми присуството на војници во Јариње, и тоа се покажа како исклучително успешна активност, најмногу благодарение на продуктивната и благодарна соработка на Владата на Црна Гора, началникот на српскиот Генералштаб, институциите во Косово, мисијата за владеење на правото предводена од ЕУ ЕУЛЕКС и КФОР.
„Зголемувањето на присуството на војници беше неопходно, имајќи ги предвид неодамнешните извештаи за наводно можно присуство на организирани криминални групи во рамките на демонстрациите“, соопшти Канцеларијата за односи со јавноста на КФОР.
Подготвено од М.Н.
About Author
