07.12.2022 Скопје
Екипата на Каљари ќе има активен зимски преоден рок затоа што сака повеќе новитети во тимот, а една од желбите е македонскиот напаѓач Илија Несторовски.
Клубот од Сардинија и претходно беше заинтересиран за напаѓачот. Медиумите од Италија пишуваат дека Каљари разгледува опција да донесе четворица напаѓачи, двајца играчи во средниот ред и еден дефанзивец.
Листата на желби е долга, а во нападот се разгледува Илија Несторовски кој не ужива првотимски статус во Удине. Тука циркулираат и имињата на Кутроне и Симоне Заза. Македонецот има договор со „црно-белите“ до крајот на актуелната сезона.
32-годишникот оваа сезона одигра само осум натпревари за Удинезе и забележа еден гол и една асистенција. Каљари влезе во резултатска криза, се наоѓа на дванаесеттото место во Серија Б, но бодовната разлика со второпласираната Реџина е десет бода.
Подготвено од А.Ѓ.
About Author
