23.12.2022 Скопје
Шефот на германската централна банка, Јоаким Нагел, изјави дека ќе биде потребно до 2024 година инфлацијата нагло да се намали. Воедно, додаде дека ќе биде потребно време за да започне ефектот од повисоките каматни стапки.
Претседателот на германската Бундесбанка најави дека ќе биде потребна повеќе од една година инфлацијата да падне на прифатливо ниво.
Јоаким Нагел, кој ја предводи германската централна банка, предвиде дека годишната инфлација во 2023 година сè уште ќе изнесува 7 отсто, а ефектот на пониските каматни стапки ќе трае подолго за да го има посакуваното влијание.
Нагел очекува пад на инфлацијата во Германија следната година, но додаде дека Европската централна банка ќе треба да продолжи да ги зголемува каматните стапки.
Шефот на германската централна банка Нагел истакна дека пред инфлацијата да се врати таму каде што припаѓа, на 2%, потребно ќе е повеќе време, потенцирајќи дека ќе треба да поминеме низ уште неколку тешки месеци.
Нагел истакна дека ќе бидат потребни меѓу 18 месеци и две години за зголемувањето на стапката да биде целосно ефективно.
Шефот на банкарството рече дека ЕЦБ веќе дејствувала силно со четири зголемувања на каматните стапки оваа година. Исто така, истакна дека зголемувањето на стапките ќе продолжи.
Нагел додаде дека очекува пад на стапките на инфлација во декември поради мерките што ги воведе германската влада за да им помогне на бизнисите и потрошувачите со зголемените цени на енергијата.
ЕЦБ ја зголеми својата главна каматна стапка за 0,5 процентни поени на 2,5% минатата недела, при што стапките првпат се зголемија во јули од рекордно ниско ниво од 0% кое траеше со години.
Зголемените потрошувачки цени поради повисоките трошоци за енергија по руската инвазија на Украина ја наведоа ЕЦБ да ја промени својата политика за трошоците за задолжување.
Иако повисоките каматни стапки се сметаат за клучна алатка за контрола на инфлацијата, тие исто така ја оптоваруваат економијата со тоа што ја зголеми отплатата на заемите на компаниите и домаќинствата.
Подготвено од А.Ѓ.
About Author
