19.12.2022 Скопје
Француското МВР соопшти дека вкупно 227 лица се уапсени во Франција, од кои 47 во Париз и неговата околина, за време на судирите по завршувањето на финалето на Светското првенство во фудбал во Катар, во кое Аргентина го освои првото место победувајќи ја француската репрезентација.
Околу 14.000 полицајци и жандарми биле распоредени низ целата земја, од кои 2.750 во Париз, за да ги спречат инцидентите, какви што имаше и по четвртфиналето против Англија, а потоа и полуфиналето против Мароко.
Во Лион уапсени се околу петнаесет лица за фрлање проектили и оштетување на Плоштадот Белекур, пет лица се уапсени во Бордо по судирите со полицијата на Плас де ла Виктоар, а градоначалникот на Ница, Кристијан Естрози го осуди уништувањето во една област на градот.
Врз полицијата на Шанзелизе биле фрлани шишиња и огномет, по што таа употребила солзавец за да ја растера насобраната толпа на навивачи.
Подготвено од М.Н.
About Author
