19.12.2022 Скопје
Холандскиот премиер Марк Руте денеска попладне ќе одржи говор за ропството во Националниот архив во Хаг.
Предвидено е и претставници на кабинетот да зборуваат за поранешната холандска колонија Суринам во Јужна Америка, како и за шесте карипски острови кои и денес му припаѓаат на холандското кралство.
Околу 150 години по крајот на ропството во нејзините поранешни колонии, Холандија сака официјално да се извини за оваа неправда.
Холандското кралство беше една од последните земји во Европа што официјално го укина ропството на 1 јули 1863 година, а вистинскиот крај дојде дури во 1873 година. Потомците на робовите и жителите на колониите во тоа време особено се бореле за извинување кое со години владата на Руте одбиваше да го стори тоа.
Подготвено од М.Н.
About Author
