13.12.2022 Скопје
Финска ја преиспитува својата одлука наметната во 2019 година да не и продава оружје на Турција за да го забрза процесот на аплицирање во НАТО.
За разлика од 28-те други земји-членки на НАТО, Турција и Унгарија ги немаат ратификувано апликациите за членство на Финска и Шведска. Следствено, двете нордиски земји се заглавени во неизвесност и покрај засилените дипломатски напори.
Откако ја посети Турција минатата недела, министерот за одбрана Анти Кајконен беше оптимист, велејќи дека „барем не сме отстапиле наназад во решавањето на проблемот“. Но, Финска може да има трик во ракавот за да ги забрза работите, изјави Каиконен во утринската емисија на YLE во понеделникот.
Дозволите за извоз на оружје беа прекинати во 2019 година поради воената операција на Турција во Сирија против курдските борци. Во интервјуто во понеделникот, Кајконен имплицираше дека „во принцип и во теорија“, таква забрана за продажба на оружје повеќе не постои.
Кајконен истакна дека како дел од поширокото разгледување, на Турција треба да се гледа и како иден сојузник.
Дозволувањето повторно да и се продава оружје на Турција може да биде корисно за надежите на Финска за побрза ратификација на нејзината апликација за НАТО. Во 2018 година, извозот на оружје на Финска во Турција изнесуваше околу 17 милиони евра.
Во Финска, извозните дозволи се постапуваат од случај до случај. Конечната одлука ја носи владата по консултации со МНР и Министерството за одбрана.
Подготвено од А.Ѓ.
About Author
