01.12.2022 Скопје
Бил Клинтон, поранешниот американски претседател, објави дека е позитивен на тестот за Ковид и дека боледува од „благи симптоми“.
На Твитер, 76-годишниот демократ, кој служеше во Белата куќа од 1993 до 2001 година, напишта дека има благи симптоми, но генерално е добро и е дома.
Клинтон истакна дека е среќен што се вакцинирал и што го добил бустерот, и ги повика сите да го направат истото, особено затоа што се ближи зимата.
Вилијам Џеферсон „Бил“ Клинтон бил 42. претседател на САД. Своето претседателство го започнал по крајот на Студената војна во 1993. година. Бил еден од најмладите претседатели на САД, и првиот претседател од Бејби-бум генерацијата на САД.
Неговото претседателство го карактеризирале низа социјални мерки, поради што бил омилен кај народот. Во неговото претседателство, САД имале буџетски суфицит и континуиран повеќегодишен економски раст. Поради ова, неговата популарност во текот на целиот мандат била над 50%, а кога ја напуштал функцијата имал популарност од 66%, што е единствен случај во историјата на САД.
Кај нас ќе остане запаметен по тоа што со воена интервенција, а потоа и со преговорите спонзорирани од САД, ставил крај на Граѓанската војна во БиХ во 1995. со Дејтонскиот мировен договор. Покрај тоа, негова заслуга е и отворањето на патот за осамостојување на Косово, по бомбардирањето на Србија поради етничкото чистење во 1999. година и воспоставувањето на меѓународен протекторат на Косово.
Подготвено од А.Ѓ.
About Author
