03.11.2022 Скопје
Дваесет милиони граѓани на Делхи дишат смог, бидејќи индексот за квалитет на воздухот ги пробива „тешките“ и „опасните“ категории на речиси сите мониторинг станици во индискиот главен град, поттикнувајќи повици за затворање на училиштата.
Податоците од централното тело за контрола на загадувањето покажуваат дека утрово индексот премина над 450 на многу места.
Федералната влада соопшти дека ова влијае на здравите луѓе и сериозно ги погодува оние со претходно постоечки состојби.
Многу од граѓаните се жалат дека „дишат отров“ во главниот град, кој во последниве години е најзагаден во светот.
Истакнатиот индиски колумнист Сухел Сет на Твитер напиша дека она што се случува со загадувањето на воздухот во Делхи не е ништо друго освен злосторство против човештвото и тоа е целосен колапс на одговорноста.
Секоја зима, најзагадениот главен град на светот е обвиткан со смог, бидејќи студениот и тежок воздух ја заробува градежната прашина од возилата што испаруваат и чадот од запалените стрништа од земјоделските култури во соседните држави за да ги исчистат полињата за следната култура.
Пониските температури, постудениот ветер и промената на нивниот правец во тоа време повремено го влошуваат квалитетот на воздухот. Родителите и еколозите повикаа да се затворат училиштата.
Еколошкиот активист Вимленду Џа на Твитер напиша дека е свесен дека децата не гласаат за нив, но бара од сите министри во Делхи веднаш да ги затворат сите училишта, затоа што не е нормално да се вдишува отров, секое трето дете има проблеми со белите дробови.
Делхи ги запре повеќето градежни работи оваа недела за да го намали загадувањето и ги повика граѓаните да возат мотоцикли, да работат од дома кога е можно и да го намалат јагленот и огревното дрво.
Подготвено од А.Ѓ.
About Author
