24.11.2022 Скопје
Во Културно-информативниот центар на Република Северна Македонија во Загреб беа отворени изложбата на акварели од Марија Светиева и Виктор Бранѓолица и изложбата „Каламота подалеку од светлината“ од Влахо Бранѓолица по повод 90 години од раѓањето на истакнатиот композитор Љубомир Бранѓолица.
Изложбите се во организација на Домот на културата „Кочо Рацин“ од Скопје, со поддршка од КИЦ на Република Северна Македонија од Загреб и Министерството за култура на Република Северна Македонија.
Отворањето на изложбите беше придружено со настап на најмладите ученици од повеќе основни училишта од Загреб, кои изучуваат македонски јазик и кои говореа стихови од стихозбирката „Бели мугри“ на македонскиот поет Кочо Рацин.
Подготвено од А.Ѓ.
About Author
