22.11.2022 Скопје
Поради повеќемесечната суша во Каталонија ќе се воведат ограничувања за потрошувачката на вода и тие ограничувања ќе погодат 6,7 милиони луѓе или 80 отсто од населението во тој регион.
Мерките ќе вклучуваат прекин на вода за наводнување на земјоделските култури и индустрија, но засега нема да се ограничи употребата на вода во домовите за миење, готвење или пиење.
Во мерките исто така наведено е дека на жителите нема да им биде дозволено да користат вода за миење на надворешноста на куќите или автомобилите или пак за полнење базени, а ќе престанат да работат и фонтаните во повеќе од 500 општини, вклучувајќи ја и Барселона, а ќе биде забрането и миење на улиците.
Портпаролката на каталонската администрација, Патриша Плаха, во изјава ги повика граѓаните да ја користат водата посовесно и да бидат свесни за моменталната ситуацијата во Каталонија.
Подготвено од М.Н.
About Author
