21.11.2022 Скопје
Во извештајот објавен од УНИЦЕФ Франција стои дека едно од пет француски деца живее под прагот на сиромаштија, а Франција се бори да ги гарантира најосновните права за децата во ранливи ситуации.
За Меѓународниот ден на правата на децата, УНИЦЕФ Франција објави студија за правата на децата во Франција.
Според студијата, 21 отсто од француските деца живеат под прагот на сиромаштија, а речиси 5.700 живеат во населби во континентална Франција. Во исто време, 30.000 се сместени во хотели, решение кое се смета за несоодветно за семеен живот,додека 1.600 немаат решение за сместување.
Невладината организација истакна дека тоа се, особено најранливите деца, без разлика дали се во ситуација на екстремна сиромаштија, инвалидитет, жртви на насилство, кои се борат да ги загарантираат нивните најосновни права, потенцирајќи дека социјалните и територијалните нееднаквости, особено го попречуваат задоволителниот пристап до училиште, здравствени услуги или заштита.
Според авторите на извештајот, можната тајна природа на децата мигранти го влошува кршењето на правата на децата во Франција.
Според броењето на УНИЦЕФ Франција, „од 2012 година, најмалку 33.786 деца се приведени“, главно во Мајот, француска прекуморска територија многу изложена на неправилна имиграција од Коморите.
Оттука, авторите препорачуваат да се забрани „административниот притвор на децата“, кој може да се случи кога семејството во нередовна ситуација треба да биде протерано и повикуваат на борба „против семејните разделби“.
УНИЦЕФ Франција повикува на создавање Министерство за деца и распоредување на „амбициозна национална стратегија за деца“ за да се обезбеди подобро почитување на правата на децата, додавајќи дека постоечките јавни политики за децата се многубројни, но многу расфрлани, што ја попречува нивната читливост, ефективност и видливост.
Агенцијата на ОН, исто така, посочи дека Европската гаранција за децата и Европската стратегија за правата на детето се механизми кои „претставуваат можност да се структурира амбициозна европска јавна политика за превенција и борба против детската сиромаштија и социјалната исклученост“.
Подготвено од А.Ѓ.
About Author
