26.11.2022 Скопје
Американскиот телекомуникациски регулатор FCC, соопшто дека американската влада забранува продажба и увоз на комуникациски уреди направени од кинески производители на паметни телефони и добавувачи на мрежна опрема Huawei и ZTE, бидејќи дека тие претставуваат неприфатлив ризик за националната безбедност.
Комесарот на FCC, Брендан Кар, соопшти дека ниту една нова опрема на Huawei или ZTE нема да биде одобрена, а постои и можност за одземање на постојните одобренија.
Оваа одлуката не е изненадување, бидејќи претседателот на Америка, Џо Бајден, минатата година нареди со закон да се исклучи мрежната технологија на Huawei и ZTE од американскиот пазар, продолжувајќи ја политиката на неговиот републикански претходник Доналд Трамп во спорот со Кина.
Комесарот на FCC, Брендан Кар, додаде дека ова е прв пат во историјата да биде забрането одобрувањето на нови уреди поради загриженост за националната безбедност.
Подготвено од М.Н.
About Author
