27.11.2022 Скопје
Во Киев овие денови се очекува врнежи на обилен снег, дневната и ноќната температура ќе се спуштат под нулата, а милиони луѓе во градот и околината остануваат без струја и греење.
Претседателот Володимир Зеленски изјави дека електричната енергија е ограничена во 14 од 27 региони во Украина и во Киев, и потенцираше дека е важно да се заштеди енергија и да се користи рационално.
Сергеј Коваленко, кој е главен оперативен директор на „YASNO“, компанија што го снабдува Киев со електрична енергија, соопшти дека ситуацијата во градот се подобрува, но сепак е прилично тешка, и посочи дека граѓаните треба да имаат најмалку четири часа струја дневно.
Руското бомбардирање неделава ја предизвика најголемата штета од конфликтот досега, остави милиони луѓе во Украина без струја, вода и греење, по што Кремљ посочи дека руските напади врз енергетската инфраструктура се резултат на неподготвеноста на Украина да преговара.
Подготвено од М.Н.
About Author
