05.11.2022 Скопје
Вчеравечер, од торнада беа погодени делови од Тексас и Оклахома, при што загина најмалку едно лице, дваесетина други се повредени, а десетици куќи и згради се урнати.
Торнада силно го погодија округот МекКуртин, Оклахома, во југоисточниот дел на државата.
Коди МекДаниел, управителот за итни случаи на округот, потврди дека едно лице загинало. Во малиот град Ајдабел уништени се црква, медицински центар и училиште.
Кели Кејн, од Канцеларијата за вонредни состојби во Оклахома, истакна дека најмалку три други окрузи биле исто така погодени од невремето, а во некои области има поплави.
Националната метеоролошка служба соопшти дека торнада биле пријавени и во Тексас и Арканзас и дека се движат кон Луизијана.
Во Тексас, властите во округот Ламар, соопштија дека најмалку 50 домови се оштетени или уништени, а 10 лица се пренесени во болница, од кои двајца се во критична состојба.
Подготвено од А.Ѓ.
About Author
