01.11.2022 Скопје
Милош Вучевиќ, српскиот министер за одбрана, изјави дека по наредба на претседателот Александар Вучиќ, војската на Србија е во состојба на готовност и дека е подигнато нивото на борбена готовност поради ситуацијата на Косово.
Српскиот министер за одбрана Вучевиќ истакна дека Србија е сериозна земја и затоа никој не треба да игра „воени игри“. Воедно, објасни дека армијата е подготвена да ја изврши секоја наредба на Вучиќ, кој е нејзин врховен командант, заштитувајќи ги сите граѓани на Србија, вклучително и Србите на Косово, и во тоа никој не треба да се сомнева.
Според Вучевиќ, подобро е да се преговара илјада дена, отколку еден ден да се биде во ров. Исто така, предупреди дека кога Србија зборува за мир и стабилност, тоа не значи дека е слаба или кукавица, бидејќи нејзината армија е многукратно посилна отколку што била, и дека постапува според наредбата на шефот на државата и претседателот.
Подготвено од А.Ѓ.
About Author
